सडक पीडित न्यायका लागि सडकमा

  • News Date: February 23, 2017 | Post By LAHURNIP

फागुन १२, काठमाडौं
काठमाडौं उपत्यका व्यापी सडक बिस्तार पीडित संघर्ष समितिले न्यायको माग गर्दै आज धर्ना तथा जुलुस गरेको छ । धर्नापछि  प्रदर्शनकारीहरुले माईतिघर–बिजुलीबजार परिक्रमा गरी माइतीघरमा कोणसभा गरेका थिए । कोणसभाका सहभागीहरुले सडक बिस्तारका नाममा राज्यले आदिवासी र स्थानीय समुदायहको माग बेवास्ता गरेको र विकासका नाममा गाँस, बास, कपास खोस्ने काम गरेको बताए ।  विगत लामो समयदेखि  संघर्ष समितिले विभिन्न आन्दोलनको कार्यक्रम गर्दै आईरहेको छ ।

समितिले उपत्यकाभित्र भइरहेको गैरन्यायिक सडकका क्रममा यहाँका ऐतिहासिक धरोहरहरुको संरक्षण गरिनुपर्ने, ऐतिहासिक बस्ती तथा आदिवासीहरुलाई विस्थापित नगरिनुलगायतका मागहरु राखेको छ । त्यस्तै सडक बिस्तार गर्दा प्रचलित कानून बमोजिम उचित मुआब्जा तथा चलनचल्तीको मूल्यमा क्षतिपूर्ति तथा पूर्ण बिस्थापितलाई पुर्नस्थापना गरिनु पर्ने माग समितिको रहेको छ । गैरन्यायिक सडक बिस्तार भईन्जेल आन्दोलनको कार्यक्रम चलि रहने संघर्ष समितिका अध्यक्ष सुमन सायामीले बताउनु भयो ।

सडक बिस्तार सम्बन्धी मुद्दामा आज सर्वोच्च अदालतमा पेशी सूचीमा चढे पनि सुनुवाई नभएको अधिवक्ता जितेन्द्र बज्रचार्यले बताए । 


कार्यक्रमको अनुगमन नेपालका आदिवासीहरुको मानव अधिकार सम्बन्धी वकिल समूह (लाहुर्निपले) अनुगमन गरेको थियो ।