थारु प्रशिक्षण भेला शुरु

  • News Date: February 06, 2016 | Post By LAHURNIP

लहान सिरहा

नेपालका २४ जिल्ला तथा भारत लगायतका देशबाट आमन्त्रीत थारु अग्रज तथा नेतृहरुको तीन दिने प्रशिक्षण भेला आजबाट सिरहाको लहानमा शुरु भएको छ । कार्यक्रममा महिला र पुरुष गरी जम्मा ६५० जनाको सहभागीता रहेको छ । सो कार्यक्रम माघ २३, २४ र २५ गते तीन दिन सम्म चल्ने छ ।  

डा कृष्ण भट्टचन, अधिवक्त शंकर लिम्बू, बुद्धिजीवी सिके लाल, प्राध्यपक विजय कान्त कर्ण, अधिवक्ता सुरेन्द्र महतो, अधिकारकर्मी ज्योति दनुवार लगायतले सो कार्यक्रममा सहजीकरण गर्ने आयोजकले बताए । सो कार्यक्रममा विशेष गरी संविधान, वर्तमान राजनीतिक अवस्था र आदिवासी जनजाति आन्दालनका बारेमा बिचार बिमर्श गरी आगामी  कार्ययोजना तयार गरिने बताइएको छ ।

थरु कल्याणकारी सभा केन्द्रीय प्रशिक्षण विभागको आयोजना तथा थारु कल्याणकारी सभा सिरहाको संयोजन तथा व्यवस्थापनमा संचालित सो कार्यक्रमको उद्घाटन सभाका संरक्षक अमृत प्रसाद खाँ थारुले गरेका थिए ।